[b]
انا النهاردة كنت عاملة اكلة من المطبخ التركى
طاجن اللحم بالجبن الموتزريلا وده عرفته من المطعم التركى هنا فى جدة
وجوزى كان بيحبه اوى هو بصراحة طعمه تحفة وقلت لازم تشوفوه وتجربوه
وده شكله
[ندعوك للتسجيل في المنتدى أو التعريف بنفسك لمعاينة هذه الصورة]المقادير
****
ربع كيلو لحمة ونقطعها قطع صغيرة زى الشاورما طبعا لو عاوزة تزودى براحتك انا بعمله على قد جوزى بس لانى عاملة دايت وده ماينفعش معاه خااااااااالص
بصلة صغيرة نقطعها ترنشات رفيعة
فصين توم نقطعهم ترنشات
طماطمتين متوسطين
نصف قرن فلفل شطة
ملح وفلفل
قطعة زبدة
نصف مكعب مرقة لحم ممكن تستغنى عنه بس بيدى طعم حلو
جبن موتزريلا مبشورة
اول حاجة نشوح اللحمة فى شوية سمن لغاية لما تتحمر كويس اوى بعد كده نحطها فى طاجن الفرن
مع البصل والتوم والفلفل ونحط الملح وفلفل اسمر
نقطع الطماطم قطع بالشكل
دى الطاسة اللى حمرت فيها اللحم حطيت فيها ربع كوب ميا تقريبا وحطيت فيه المرق وسيبتها تدوب تغلى علشان
نحطها فى طاجن اللحمة لو اللحمة من النوع اللى مش بيستوى بسرعة زودى الميا شوية
نحط الطماطم على اللحم ونحط الميا والزبدة زى ما انتوا شايفين
نندخلها الفرن على حرارة عالية لما تشرب مايتها خالص
بعد كده نحط عليها الجبن الموتزريلا وندخلها الفرن تانى دقايق علشان تسيح
يارب الوصفة تعجبكم